ბლოგი

წარმოიდგინეთ, მოულოდნელად დაგჭირდათ თანხა, ხელფასამდე ჯერ დროა დარჩენილი, გადაუდებელი ხარჯი კი არ იცდის. როგორ მოიქცევით? ასეთი სიტუაციიდან გამოსავალი მარტივი სესხია, რომელიც გამარტივებული პირობებით გაიცემა.

ამ სესხის მიღება შინიდან გაუსვლელად, დისტანციურად, მხოლოდ პირადობის მოწმობით შეგიძლიათ. თიბისი კრედიტის ვებ-გვერდზე განაცხადის შევსებით უფლება გაქვთ მოითხოვოთ სასურველი ოდენობის თანხა, ამისათვის კი სულ რამდენიმე წუთია საჭირო.

როგორ ავიღოთ მარტივი სესხი TBC Credit-ზე?

თიბისი კრედიტზე მარტივი სესხის აღება ძალიან სწრაფად ხდება. თუ თქვენ ხართ 18-დან 64 წლამდე საქართველოს მოქალაქე, გაქვთ ნებისმიერი ტიპის ანგარიში ან სესხი თიბისი ბანკში, ხართ თიბისი ბანკის ან სხვა ნებისმიერი ბანკის სახელფასო კლიენტი და ამას საბანკო ამონაწერით დაადასტურებთ, შეგიძლიათ თამამად შეავსოთ განაცხადი.

თიბისი კრედიტი არც თვითდასაქმებულებს ზღუდავს – თუ თქვენ თვითდასაქმებული ხართ, ნუ დაიხევთ უკან, შეგიძლიათ მოითხოვოთ სამუშაო ადგილზე ბანკის წარმომადგენლის ვიზიტი და ამ გზით მიიღოთ სასურველი ოდენობის სესხი.

რა უპირატესობა აქვს თიბისი კრედიტის მარტივ სესხს?

TBC Credit-ი თიბისი ბანკის ონლაინპლატფორმაა და მაღალი სანდოობითა და სისწრაფით გამოირჩევა, გარდა ამისა:

• აქ მარტივი სესხის აღება ზუსტად იმ პირობებით შეგიძლიათ, როგორც საბანკო ფილიალში
• სესხის საპროცენტო განაკვეთი ინდივიდუალურად გამოითვლება განმცხადებლის საკრედიტო რეიტინგის და შემოსავლების გათვალისწინებით
• პროცენტი და სესხის ძირითადი თანხა ერთად იფარება, ვადის ბოლოს კი სესხი ნულდება
• მარტივი სესხის დაფარვა ნებისმიერ დროს არის შესაძლებელი

რა ოდენობის თანხის მიღება არის შესაძლებელი?

TBC Credit-ზე ონლაინგანაცხადში შეგიძლიათ მოითხოვოთ სესხი 200-დან 80 000 ლარამდე 48 თვის ვადით. თქვენი მიმდინარე ფინანსური მდგომარეობის, ყოველთვიური შემოსავლის და საკრედიტო ისტორიის გათვალისწინებით, შესაძლოა, იმაზე მეტი თანხაც დაგიმტკიცდეთ, ვიდრე მოითხოვეთ., თუმცა, ცხადია, ამ თანხის გამოყენება თქვენსავე სურვილზეა დამოკიდებული.

რა პროცესის გავლაა საჭირო მარტივი სესხის მისაღებად?

მარტივი სესხის მისაღებად სწრაფი პროცედურის გავლაა საჭირო:

• უნდა შეხვიდეთ TBC Credit-ის ვებგვერდზე და აირჩიოთ „მოითხოვე თანხა“
• შესაბამის ველში ჩაწეროთ, რა ოდენობის თანხის მიღება გსურთ სესხად
• გაიაროთ მარტივი იდენტიფიკაცია თქვენი პირადი და მობილურის ნომრით და მიჰყვეთ ინსტრქუციას

იდენტიფიკაციის ეს პროცესი რამდენიმე წუთზე მეტს არ მოითხოვს. მოთხოვნილი თანხის დადასტურებასაც ამდენივე წუთი დასჭირდება. ყველაფერი მართლაც ძალიან მარტივია.

დამატებით რა უნდა ვიცოდეთ მარტივ სესხებზე?

როგორც უკვე აღვნიშნეთ, მარტივი სესხის ხანგრძლივობა 48 თვეა და მისი საპროცენტო განაკვეთი თქვენსავე საბანკო ისტორიაზეა დამოკიდებული. იმ შემთხვევაში, თუ აღებული სესხის დაფარვას ვერ ახერხებთ, TBC Credit-ი რეფინანსირების საშუალებას გაძლევთ. ეს იმას ნიშნავს, რომ არსებული მარტივი სესხის გადაფარვა.

მარტივი სესხის მოთხოვნისას უნდა გახსოვდეთ, რომ ამით დამატებით ვალდებულებას იღებთ, პირველ რიგში, საკუთარი თავისა და TBC Credit-ის წინაშე. სწორედ ამიტომ, განაცხადის შევსებამდე, დაფიქრდით, ნამდვილად გჭირდებათ თუ არა თანხა და თუ გჭირდებათ, რა ოდენობის სესხის აღება გსურთ.

გაუთვალისწინებელი ხარჯების თუ მოულოდნელი ფინანსური პრობლემების დროს დაბალპროცენტიანი სესხი მარტივი და ხელმისაწვდომი გამოსავალია. თუ თქვენ თქვენზე მორგებულ პირობებს ეძებთ, მაშინ აუცილებლად უნდა შეამოწმოთ რა ტიპის სესხს გთავაზობთ თიბისი კრედიტი.

როგორ მივიღოთ დაბალპროცენტიანი სესხი

ონლაინსესხების ციფრული პლატფორმა – თიბისი კრედიტი სწრაფ, მარტივ და კომფორტულ სერვისს გთავაზობთ. აქ შესაძლებელია დისტანციურად, ონლაინრეჟიმში მიიღოთ სესხი თქვენი საჭიროებებისთვის. განაცხადის შესავსებად სულ რამდენიმე წუთია საჭირო, პასუხს კი დაუყოვნებლივ, ავტომატურ რეჟიმში მიიღებთ.

თიბისი კრედიტზე სესხის ასაღებად საჭიროა, რომ თქვენ:

• იყოთ 18-დან 64 წლამდე საქართველოს მოქალაქე
• გქონდეთ ერთი აქტიური ანგარიში ან სესხი თიბისი ბანკში
• გქონდეთ მუდმივი სტაბილური შემოსავალი და ამის დადასტურება საბანკო ამონაწერით ან სამუშაო ადგილზე ბანკის წარმომადგენლის ვიზიტით შეძლოთ

თუ თქვენ ზემოთ ჩამოთვლილ კრიტერიუმებს აკმაყოფილებთ, მაშინ შეგიძლიათ მოითხოვოთ 200-დან 80 000 ლარამდე სესხი მაქსიმუმ 48 თვის ვადით.

დაბალპროცენტიანი სესხი – მითი თუ რეალობა?

დაბალპროცენტიანი სესხის აღებისას საპროცენტო განაკვეთი ერთ-ერთი მნიშვნელოვანი ფაქტორია. თიბისი კრედიტზე სესხის განაცხადის განხილვისას თქვენთვის ინდივიდუალურად დგინდება საკრედიტო ლიმიტი და საპროცენტო განაკვეთი. ეს ნიშნავს, რომ სისტემა აანალიზებს თქვენს ყოველთვიურ შემოსავალს, მის სტაბილურობას, ამოწმებს თქვენს საკრედიტო ისტორიას და რეიტინგს, ასევე ამოწმებს მიმდინარე ფინანსურ მდგომარეობას და ამის შემდეგ გიმტკიცებთ თქვენზე მორგებულ, სპეციალურად თქვენთვის შექმნილ სესხს ინდივიდუალური პირობებით. აქედან გამომდინარე, თქვენთვის სრულიად შესაძლებელი ხდება მიღებული სესხის სწრაფად, მარტივად და უმტკივნეულოდ დაფარვა.

ინდივიდუალურად დამტკიცებული საპროცენტო განაკვეთი კი არის მომხმარებლის ფინანსური რესურსის და მდგომარეობის გათვალისწინებით გამოთვლილი, მაქსიმალურად მასზე მორგებული რიცხვი. ეს კი ნიშნავს, რომ თქვენ მიიღებთ მიმდინარე ფინანსური სტატუსით ყველაზე დაბალპროცენტიან სესხს, რისი აღებაც საფინანსო კომპანიებშია შესაძლებელი.

რატომ ავირჩიოთ თიბისი კრედიტი?

თიბისი კრედიტი თიბისი ბანკის მიერ შექმნილი ონლაინსესხების პლატფორმაა, რომელიც საქართველოს ეროვნული ბანკის რეგულაციების მიხედვით მოქმედებს. აქ ყველა პირობა ღია და გამჭვირვალეა, მომხმარებლისთვის არ არსებობს დაფარული ხარჯი და თქვენ დაზღვეული ხართ მოულოდნელი უსიამოვნო ცვლილებებისგან. თიბისი კრედიტი მომხარებელზე ორიენტირებულ, მოქნილ და მოსახერხებელ პირობებს გთავაზობთ:

• სესხის გადახდისას თქვენ ერთდროულად ფარავთ ძირს და პროცენტს, რაც ნიშნავს, რომ ვადის გასვლის ბოლოს სესხი ავტომატურად ნულდება
• თიბისი კრედიტი პირველი საფინანსო ორგანიზაციაა, რომელმაც მომხმარებლებს სწრაფ სესხებზე რეფინანსირების სერვისი შესთავაზა
• თიბისი კრედიტი ქვეყნის ნომერ პირველი ბანკის – თიბისის მიერ შექმნილი კომპანიაა, რაც იმას ნიშნავს, რომ თქვენ საქმე სანდო და კარგი რეპუტაციის მქონე ორგანიზაციასთან გაქვთ
• თიბისი კრედიტის მიერ გაცემული სესხი პირობების მიხედვით არაფრით განსხვავდება თიბისი ბანკის ფილიალში აღებული სესხისგან. აქედან გამომდინარე, მიღებული სესხი უარყოფითად არ აისახება თქვენს საკრედიტო რეიტინგზე.

ონლაინსესხის მიღება დღეისათვის სირთულეს ნამდვილად აღარ წარმოადგენს. ისღა დაგრჩენიათ დაბალპროცენტიანი სესხის აღებამდე გულდასმით შეისწავლოთ სხვადასხვა საფინანსო კომპანიის მიერ წარმოდგენილი პირობები, შეადაროთ და გააანალიზოთ ყველა დეტალი, გაითვალისწინოთ თქვენი ფინანსური შესაძლებლობები და მხოლოდ ამის შემდეგ გადაწყვიტოთ, რომელ ორგანიზაციას მიმართოთ სესხითვის. ჩვენ კი გვჯერა, რომ ზემოთ წარმოდგენილი ინფორმაციის მიღების შემდეგ, ნამდვილად სწორ გადაწყვეტილებას მიიღებთ!

სესხის აღება მნიშვნელოვანი ფინანსური გადაწყვეტილებაა. იქნება ეს თანხა რემონტისთვის, მოგზაურობისთვის, ტექნიკის შესაძენად, სწავლისთვის თუ სხვა მიზნისთვის, გადაწყვეტილების მიღებამდე რამდენიმე საკითხის წინასწარ გააზრება დაგეხმარებათ, უკეთ შეაფასოთ თქვენი საჭიროებები და სესხის პირობები.

სანამ სესხს აიღებთ, დაუსვით საკუთარ თავს ეს 10 კითხვა:

1. რატომ მჭირდება სესხი?

პირველი და ყველაზე მნიშვნელოვანი კითხვა სწორედ ესაა: რისთვის გჭირდება დამატებითი თანხა?

თუ კონკრეტული მიზანი გაქვს, უფრო მარტივად განსაზღვრავ, რა თანხა გჭირდება და რამდენად შეესაბამება სესხის აღება შენს საჭიროებას.

მაგალითად, შესაძლოა თანხა გჭირდებოდეს:

• სახლის რემონტისთვის;
• ტექნიკის ან ავეჯის შესაძენად;
• მოგზაურობისთვის;
• სწავლისთვის;
• მნიშვნელოვანი პირადი ხარჯისთვის;
• სხვა ფინანსური ვალდებულებების დასაფარად.

2. ზუსტად რამდენი თანხა მჭირდება?

სესხის აღებისას ყოველთვის არ არის საჭირო მაქსიმალური ხელმისაწვდომი თანხის გამოყენება.

დაითვალე, რამდენია შენი რეალური საჭიროება და შეარჩიე ისეთი თანხა, რომელიც მიზნის შესრულებაში დაგეხმარება და ამავდროულად შენს ყოველთვიურ ბიუჯეტს შეესაბამება.

სწორი მიდგომაა: აიღო იმდენი, რამდენიც რეალურად გჭირდება.

3. რამდენის გადახდა შემიძლია ყოველთვიურად?

სესხის თანხასთან ერთად მნიშვნელოვანია გაითვალისწინო ყოველთვიური გადასახადი.

შეაფასე შენი ყოველთვიური შემოსავალი და ხარჯები და განსაზღვრე, რა თანხის გადახდა იქნება შენთვის კომფორტული.

გაითვალისწინე არა მხოლოდ არსებული ხარჯები, არამედ ისიც, რომ მომავალში შეიძლება დამატებითი ხარჯები გაჩნდეს.

4. რა არის სესხის საპროცენტო განაკვეთი?

სესხის არჩევისას ერთ-ერთი მთავარი საკითხი საპროცენტო განაკვეთია.

თუმცა მხოლოდ ერთი პროცენტის ნახვა საკმარისი არ არის. მნიშვნელოვანია გაეცნო სესხის სრულ პირობებს, მათ შორის ეფექტურ საპროცენტო განაკვეთსა და შესაძლო დამატებით ხარჯებს.

რა არის ეფექტური საპროცენტო განაკვეთი?

ეფექტური საპროცენტო განაკვეთი მომხმარებელს სესხის რეალური ღირებულების უკეთ შეფასებაში ეხმარება, რადგან ითვალისწინებს სესხთან დაკავშირებულ შესაბამის ხარჯებს.

ამიტომ სხვადასხვა სესხის შედარებისას მხოლოდ ნომინალურ საპროცენტო განაკვეთს ნუ შეხედავ - შეადარე სრული პირობები.

5. რა ვადით მინდა სესხის აღება?

სესხის ვადა პირდაპირ არის დაკავშირებული ყოველთვიურ გადასახადთან.

როგორც წესი, უფრო ხანგრძლივი ვადა ნიშნავს შედარებით დაბალ ყოველთვიურ გადასახადს, თუმცა სესხის მთლიან ღირებულებაზე გავლენას ახდენს როგორც ვადა, ისე საპროცენტო განაკვეთი და სხვა პირობები.

ამიტომ ვადის არჩევისას მნიშვნელოვანია იპოვო ბალანსი კომფორტულ ყოველთვიურ გადასახადსა და სესხის მთლიან ღირებულებას შორის.

6. მაქვს თუ არა სხვა სესხები ან ფინანსური ვალდებულებები?

თუ უკვე გაქვს სესხი, განვადება ან სხვა ფინანსური ვალდებულება, ახალი სესხის აღებამდე მნიშვნელოვანია შენი საერთო ყოველთვიური დატვირთვა გაითვალისწინო.

ზოგიერთ შემთხვევაში დამატებითი სესხის ნაცვლად შეიძლება არსებული ვალდებულებების გადაფარვა ან მათი პირობების შეცვლა იყოს უფრო შესაბამისი გამოსავალი.

მთავარია, გადაწყვეტილების მიღებისას მხოლოდ ახალი სესხის გადასახადს კი არა, ყველა მიმდინარე ფინანსურ ვალდებულებას ერთად შეხედო.

7. რა პირობებს მთავაზობს ბანკი?

სესხის არჩევისას ყურადღება მიაქციე არა მხოლოდ თანხასა და პროცენტს, არამედ სხვა პირობებსაც.

მაგალითად:

• სესხის ვადას;
• ეფექტურ საპროცენტო განაკვეთს;
• გაცემასთან დაკავშირებულ საკომისიოს, თუ ასეთი არსებობს;
• წინსწრებით დაფარვის პირობებს;
• სხვა შესაძლო ხარჯებსა და მოთხოვნებს.

სესხის პირობების წინასწარ გაცნობა დაგეხმარება, ზუსტად იცოდე, რას იღებ და რა ვალდებულება გექნება.

8. შემიძლია თუ არა სესხის ონლაინ მოთხოვნა?

tbccredit.ge-ზე შეგიძლია მოითხოვო სამომხმარებლო სესხი ან გაიაქტიურო წინასწარ დამტკიცებული ლიმიტი.

თუ სესხს ითხოვ, შეავსებ განაცხადს და შენი შემოსავლების მიხედვით განისაზღვრება ხელმისაწვდომი თანხა. დამტკიცების შემთხვევაში, თანხა პირდაპირ შენს თიბისიში არსებულ ანგარიშზე ჩაგერიცხება.

თუ უკვე გაქვს წინასწარ დამტკიცებული ლიმიტი, განაცხადის შევსების შემდეგ შეგიძლია მისი გააქტიურება და თანხა პირდაპირ ანგარიშზე ჩაგერიცხება.

9. რა მოხდება, თუ სესხის ადრე დაფარვა მომინდება?

სესხის აღებამდე სასარგებლოა იცოდე, რა პირობები მოქმედებს მისი ვადაზე ადრე დაფარვის შემთხვევაში.

წინსწრებით დაფარვის პირობები შეიძლება განსხვავდებოდეს კონკრეტული პროდუქტისა და ხელშეკრულების მიხედვით, ამიტომ გადაწყვეტილების მიღებამდე გაეცანი შესაბამის პირობებს.

10. ნამდვილად მჭირდება თუ არა სესხი ახლა?

ბოლო კითხვა ყველაზე მარტივია — და შესაძლოა ყველაზე მნიშვნელოვანიც. ჰკითხე საკუთარ თავს:

„თუ ამ თანხას ახლა არ ავიღებ, რა მოხდება?“

თუ თანხა კონკრეტული საჭიროების დასაფარად გჭირდება და უკვე შეაფასე შენი ბიუჯეტი, სესხის პირობები და ყოველთვიური გადასახადი, გადაწყვეტილების მიღება უფრო გააზრებული იქნება.

თუ კი სესხის აღების მიზეზი მხოლოდ სურვილია და არ ხარ დარწმუნებული, შეძლებ თუ არა ყოველთვიური ვალდებულების კომფორტულად დაფარვას, შესაძლოა გადაწყვეტილების გადადება ღირდეს.

გჭირდება დამატებითი თანხა?

თუ უკვე იცი, რისთვის გჭირდება თანხა და რა მოცულობის ყოველთვიური გადასახადი შეესაბამება შენს ბიუჯეტს, სამომხმარებლო სესხის მოთხოვნა Tbccredit.ge-დან შეგიძლია მარტივად, ნებისმიერ დროს.

აღმოაჩინე შენთვის ხელმისაწვდომი თანხა და მიიღე გადაწყვეტილება შენთვის სასურველი მიზნის მიხედვით.

ის, რომ კარგი სესხი მხოლოდ სესხის გამცემ კარგ ორგანიზაციაშია ხელმისაწვდომი, უკვე ბევრჯერ ვახსენეთ, ახლა კი, მოდით, ის კრიტერიუმები განვიხილოთ, რომლის მიხედვითაც სესხის გამცემი ორგანიზაციის შეფასებას და იმის გარკვევას შევძლებთ, ის ჩვენს მოთხოვნებს აკმაყოფილებს თუ არა.

როდესაც საქმე სასესხო პროდუქტებს ეხება, პირველი კრიტერიუმი, რითაც პროდუქტს და მის გამცემ ორგანიზიაციას ვაფასებთ, საპროცენტო განაკვეთია, თუმცა, დროთა განმავლობაში და ბაზარზე არსებული უდიდესი კონკურენციის ფონზე, აღმოჩნდა, რომ პროდუქტის და ორგანიზაციის შეფასებისთვის მხოლოდ ეს ზემოთ ხსენებული კრიტერიუმი საკმარისი სულაც არ არის, მაგრამ, ჩვეულ სტანდარტებს ძალიან ნუ ავცდებით და ჩავთვალოთ, რომ შეფასების პირველი პარამეტრი საპროცენტო განაკვეთია: კარგად ჩაეძიეთ ციფრებს და შეადარეთ ისინი ერთმანეთს.

ნუ ენდობით მხოლოდ მსხვილად დაწერილ, სარეკლამო მესიჯად გამოყენებულ მიმზიდველ პროცენტს, რადგან მის უკან ეფექტური საპროცენტო განაკვეთი იმალება, ის რეალური პროცენტი, რაც სესხთან დაკავშირებულ ყველა ხარჯს მოიცავს.

მნიშვნელოვანია ვიცოდეთ, რა შედის ეფექტურ საპროცენტო განაკვეთში და რისგან შედგება ის ხარჯი, რასაც სესხის გამცემი ორგანიზაცია გვაკისრებს. სესხის აღების დროს მიზანშეწონილი არ არის თანხა ისეთ სერვისებში ვიხადოთ, როგორიც სესხის ხელშეკრულების დამზადება ან ხელშეკრულებაში ცვლილების შეტანაა.

კარგ ორგანიზაციაში სესხის მოთხოვნასთან, დამტკიცებასთან და აღებასთან დაკავშირებული პროცესები გამჭვირვალეა. თქვენ უფლება გაქვთ იცოდეთ თითოეული იმ ინფორმაციის დანიშნულება, რასაც ბანკს აწვდით. პირობითად, როდესაც ბანკი თქვენგან ისეთ ინფორმაციას ითხოვს, როგორიცა ფინანსურად თქვენზე დამოკიდებულ ადამიანთა რაოდენობაა, ის ცდილობს განსაზღვროს, რა თავისუფალი თანხა შეიძლება გრჩებოდეთ ყოველთვიურად და ამის მიხედვით დაგიგეგმოთ ახალი სესხის ფეიმენთი. პასუხს – „ამ ინფორმაციას რისთვის ვიყენებთ, კონფიდენციალურია“, სესხის გამცემ კარგ ორგანიზაციაში, დიდი ალბათობით, ვერასდროს მოისმენთ.

როდესაც საქმე ონლაინ ანუ სწრაფ სესხებს ეხება, ძალიან დიდი მნიშვნელობა ენიჭება მომხმარებლის გამოცდილებას და სესხის გამცემი პლატფორმის ვიზუალურ მხარეს, ისევე, როგორც პროცესის სიმარტივეს და მოქნილობას. პროდუქტი, რომლის შექმნის არსი სისწრაფე და მობილურობა იყო და არის, არ შეიძლება მომხმარებელს სესხის ასაღებად ხანგრძლივ, გაურკვეველ და რთულ მოგზაურობაში იწვევდეს. თქვენ შეგიძლიათ თავისუფლად დაუშვათ, რომ იმ პლატფორმაზე, სადაც ვებ-გვერდზე გამოტანილი პროცესი არ არის მობილური, სესხის დამტკიცების პროცესი ორჯერ მეტად არამობილური იქნება.

სანამ სესხს აიღებთ, მისი გამცემი ორგანიზაციის შესახებ აზრი სხვებსაც ჰკითხეთ – ძალიან რთულია ფინანსურმა ინსტიტუტმა მომხმარებლების მხრიდან ერთხმად მოიპოვოს დადებითი შეფასება, და თუ ის მოიპოვა, ესე იგი, დაიმსახურა.

სერვისის კარგი მომწოდებელი არასდროს არის ორიენტირებული მხოლოდ პროდუქტის გაყიდვაზე და მისთვის მომხმარებელთან კომუნიკაცია გაყიდვის პროცესის დასრულებით არ სრულდება. როდესაც საქმე სესხს ეხება, კარგი კომპანია მისი დაფარვის პროცესში და მომხმარებლის კმაყოფილებაში ისეთივე ძალისხმევას დებს, როგორსაც გაყიდვების სტიმულირებაში დებდა: შემახსენებელი შეტყობინებები და ზარები, სესხის რეფინანსირების შეთავაზება და ა.შ…. თუ სესხის აღების შემდეგ კომპანია თქვენი ცხოვრებიდან უკვალოდ ქრება, „კომპანიის პატიოსნებაში“ ეჭვის შესატანად ეს უკვე დიდი საბაბია.

მოკლედ, გახსოვდეთ შემდეგი კრიტერიუმები, რითაც სესხის გამცემი ორგანიზაციის შეფასებას შეძლებთ:

• მომხმარებლის უფლებები-აუცილებლად მიაქციეთ ყურადღება ორგანიზაციაში რამდენად იცავენ თქვენს უფლებებს და რამდენად გამჭვირვალეა სესხის აღების პროცესის თითოეული ნაბიჯი;
• პოპულარობა და რეპუტაცია – გაითვალისწინეთ სხვა მომხმარებლის მოსაზრება და რჩევა.
• მომხმარებლის გამოცდილება და ვიზუალური მხარე – ეს პარამეტრი განსაკუთრებით ონლაინსესხების კომპანიებისთვის არის მნიშვნელოვანი: შეაფასეთ, კომპანია ვებზე რამდენად მარტივ და მოქნილ პროცესს გთავაზობთ, რადგან თუ პროცესი რთული და გაუგებარია, სესხის დამტკიცების და გაცემის პროცედურა უფრო მეტად რთული და ჩახლართული იქნება.
• პროცენტები, პირობები და სესხთან დაკავშირებული დეტალები: სესხის გამცემი კარგი ორგანიზაცია სესხის მნიშვნელოვან დეტალებს არასდროს მალავს და ამის გასავრცელებლად არასდროს იყენებს იმდენად წვრილ შრიფტს, წაკითხვა რომ ვერ შეძლოთ.

გადაწყვეტილებას, ავიღოთ თუ არა სესხი, უმეტეს წილად ძალიან სპონტანურად ვიღებთ. ამისკენ ხშირად პოზიტიური ემოციები გვიბიძგებს – მოგვეწონება მაღაზიაში ლამაზი ნივთი და საკუთარ ფინანსებზე კონტროლს ვკარგავთ. სესხის აღებას კი ზოგჯერ გაუთვალისწინებელი სიტუაციების დაძლევის შიში „გვაიძულებს“. გვეშინია ყველაფრის, რაც არ გვაქვს დაგეგმილი და რაც ჩვენს ფინანსურ სტაბილურობას საფრთხეს უქმნის.

თუ საქმე მაღალლიმიტიან სესხებს არ ეხება, მაგალითად, ისეთს, როგორიც იპოთეკურია, სესხის აღებას წინასწარ იშვიათად ვგეგმავთ და ასევე ნაკლებად ვიაზრებთ იმ პასუხისმგებლობას, რაც მის აღებას ახლავს თან.

სესხი, იმის მიუხედავად, სწრაფი სესხის კატეგორიას განეკუთვნება, მაღალლიმიტიანია თუ მცირეთანხიანია, სესხია და ეს იმას ნიშნავს, რომ ჩვენ ვიღებთ ვალდებულებას, ნასესხები თანხა მსესხებელთან ანუ ბანკში დავაბრუნოთ.

თანხა ისევე სწრაფად რომ ხდება დასაბრუნებელი, როგორც იხარჯება, ალბათ თითოეულმა ჩვენთაგანმა ზედმიწევნით კარგად იცის, იშვიათად თუ მოიძებნება ჩვენგარშემო ისეთი ადამიანი, ვისაც ყოველივე ეს საკუთარ თავზე გამოცდილი არ აქვს.

ახლა, როცა სესხის აღება მკაცრად კონტროლირებადი პროცესი და რთულად მიღწევადი გახდა, ყველა სარეკლამო ტიპის შეტყობინება თუ შეთავაზება, რომელიც მისი აღებისკენ მოგვიწოდებს, კიდევ უფრო მაცდურად ჟღერს. სესხის აღება-არ აღება არც არასდროს ყოფილა დიდი ფიქრის და განხილვის საგანი, თუმცა ახლა, იმ იმედით, რომ ყოველი გამოგზავნილი ტექსტური შეტყობინება სესხის აღების უკანასკნელი შანსია, ჩვენ ამ ნაბიჯს დაუფიქრებლად ვდგამთ, სწრაფად ვავსებთ სესხის განაცხადს და ველოდებით, თანხა ანგარიშზე როდის ჩაირიცხება.

დიალოგი საკუთარ თავთან

რთულია, შევცვალოთ ჩვენი ქცევა, მით უმეტეს, მცირე დროში, თუმცა არსებობს რამდენიმე კითხვა, რომელზეც დაფიქრება და პასუხის გაცემა დაგვეხმარება სესხის აღების გადაწყვეტილების პროცესი უფრო რაციონალური გავხადოთ:

რისთვის ვსესხულობთ თანხას?

კარგად გაიაზრეთ, რისთვის სესხულობთ თანხას, ხომ არ შეიძლება მოცდა, საჭირო თანხის საკუთარი რესურსით დაგროვება და სასურველი ნივთის შემდეგ შეძენა. თანხის შეგროვება უნარია, რომელიც ადამიანს ან აქვს ან საკუთარ თავზე დიდ მუშაობას საჭიროებს.

არ ისესხოთ იმ ოდენობის თანხა, რისი დაბრუნებაც თქვენთვის რთული წარმოსადგენია

განსაზღვრეთ, რამდენად შეძლებთ ყოველთვიურად იმ თანხის გადახდას, რაც სესხის დასაფარად არის საჭირო, გააკეთეთ თქვენი შემოსავლების და გასავლების ბიუჯეტირება და ნახეთ, გყოფნით თუ არა ფინანსური რესურსი ფეიმენთისთვის.

შეეცადეთ თანხა მცირე დროით ისესხოთ

ერთის მხრივ მაცდურია, როდესაც შეგიძლია სურვილები აისრულო დღეს და სესხის დასაფარად მცირე თანხები დიდი ხნის მანძილზე იხადო. ასეთი სქემა, ერთის მხრივ, თქვენს ფინანსურ სტაბილურობაზე დიდ გავლენას არ მოახდენს, თუმცა გრძელვადიან პერსპექტივაში თქვენს საფულეზე ნეგატიურად აისახება.

გაითვალისწინეთ, რომ თანხა სესხის დასაფარად რეგულარულად და დროულად უნდა შეიტანოთ

თუ არ გაქვთ სტაბიულური შემოსავალი და არ იცით ყოველთვე რა რესურსით შეიტანთ დასაფარ თანხას, სესხს ნუ აიღებთ, რადგან „რაღაც იქნება“ – მიდგომა ყოველთვის არ ამართლებს…

„კარგი სესხი“ მხოლოდ სესხის გამცემ „კარგ ორგანიზაციაშია“ ხელმისაწვდომი

პასუხისმგებლობით უნდა მივუდგეთ არა მხოლოდ სესხის აღების და დაფარვის საკითხს, არამედ სესხის გამცემი ორგანიზაციის შერჩევასაც, რადგან, სესხი რა გავლენას მოახდენს თქვენს ფინანსურ სტაბილურობაზე, დამოკიდებულია იმაზე, რა პირობებით გაქვთ ის აღებული და თქვენი უფლებები რამდენადაა დაცული.

გაციფრულება-ეს ის სიტყვაა, რომელიც დღესდღეობით განსაკუთრებული აქტუალობით გამოირჩევა და რომელმაც ჩვენს ცხოვრებაში ძალიან მნიშვნელოვანი ადგილი დაიკავა.

ციფრული ტექნოლოგიები ჩვენი ყოველდღიურობის განუყოფელი ნაწილი გახდა: სოციალიზაციის ეტაპებს ონლაინ რეჟიმში გავდივართ, ინფორმაციას ციფრული არხებიდან ვიღებთ, ისეთ საბაზისო მოთხოვნილებასაც კი, როგორიც შიმშილია, ხშირად ციფრული ტექნოლოგიების გამოყენებით ვიკმაყოფილებთ. საუბარი ზედმეტია იმაზე, თუ როგორ გაგვიმარტივა გაციფრულებამ ფინანსური სერვისებით სარგებლობა: ინტერნეტ და მობაილ ბანკი, სწრაფი ანუ ონლაინ სესხები, არსებული სესხების რეფინანსირება ონლაინ, ელექტრონული საფულეები, ონლაინ განვადება, ონლაინ ოპოთეკა და ა.შ.

„გაციფრულება“-ეს ცვლილებების დიდი ჯაჭვია, რომელიც თანამედროვე ტექნოლოგიების გამოყენებით ცვლის მომხმარებლის ქცევას, სოციალურ გარემოს, ეკონომიკას, ბიზნესს და საერთოდ ყველაფერს. გაციფრულებას უამრავი დადებითი მხარე აქვს, ყველაზე ხელშესახები უპირატესობა კი სისწრაფეა: ტექნოლოგიები ხელს გვიწყობენ სწრაფად მივიღოთ ტრადიციული მომსახურება ალტერნატიული გზებით. სწრაფი სესხები ამის კარგი მაგალითია, რამდენიმე წუთში, დისტანციურად შეგვიძლია ავიღოთ სესხი და ასევე, დისტანციურად დავაბრუნოთ ნასესხები თანხა უკან.

გაციფრულება მომავალია! 2019 წელს ფინანსურ ბაზარზე კიდევ უფრო მეტად დაიხვეწება და განვითარდება შემდეგი მიმართულებები:

• მობაილბანკი
• მობილური გადახდები
• ინტერნეტ ბანკი
• მობილური აპლიკაციები
• BIG DATA -მონაცემთა შეგროვება და დამუშავება
• ხელოვნური ინტელექტის ჩართულობა

ონლაინ სესხები

მიუხედავად იმისა, რომ ფინანსურმა სერვისებმა ჩვენს თვალსა და ხელს შუა განიცადეს ტრანსფორმაცია და არც კი გვახსოვს, როდის გაჩნდნენ ჩვენს ცხოვრებაში საბანკო ბარათები, ბანკომატები და მობილურ ტელეფონებში მობაილ ბანკი, ფინანსური სექტორი ტრადიციული მომსახურების ფორმისკენ ყველაზე მეტად მიდრეკილ სექტორად ითვლება, ამ ბაზრის გაციფრულება საკმაოდ რთული და გრძელვადიანი პროცესია.

როდესაც საქმე საბანკო თუ სხვა ფინანსური მომსახურების მიღებას ეხება, სანდოობა მომხმარებლისთვის ერთ-ერთი ყველაზე მნიშვნელოვანი პარამეტრია. საწყის ეტაპზე საკმაოდ რთული აღმოჩნდა გაციფრულებული ფინანსური სექტორისთვის მომხმარებლის ნდობის მოპოვება, გაჩნდა უამრავი არასწორი სტერეოტიპი, რომელიც ყველა მწვავედ ონლაინ სესხებს შეეხო, თუმცა იქიდან გამომდინარე, რომ ამ სექტორს ძალიან დიდი და მრავალმხრივი პოტენციალი გააჩნია, ეს პრობლემაც მარტივად გადაჭრადი აღმოჩნდა: ამის კარგი მაგალითია თიბისი კრედიტი, tbccredit.ge თიბისი ბანკის ციფრული პლატფორმა, სადაც სესხის აღების პროცესი სრულად გამჭვირვალეა. პლატფორმა მომხმარებელს ონლაინ დახმარებას, ბევრ მინიშნებას და დეტალური ინფორმაციის მიწოდების სხვადასხვა გზებს სთავაზობს.

დღესდღეობით სიტყვა „ონლაინ „მხოლოდ სესხის აღების არხს, სისწრაფეს და სიმარტივეს აღნიშნავს და არანაირად არ წარმოადგენს სესხის მარჟისა და ხარისხის განმსაზღვრელ პარამეტრს. მიმდინარე მოვლენებზე დაკვირვება კი გვიჩვენებს, რომ ეს დამოკიდებულება ციფრული საბანკო პროდუქტების მიმართ სამომავლოდ კიდევ უფრო გამყარდება.